Robert Mugabe ch'è stà blers onns president dal pajais sidafrican Simbabwe, è mort cun 95 onns en in ospital a Singapur. Il president actual, Emmerson Mnangagwa haja confermà ils rapports sur Twitter. Mugabe saja stà in erox che haja liberà ses pievel, el saja sa deditgà a l'emanzipaziun da ses pievel.
Cumenzà ha el sco schef da guerilla
Mugabe è stà in schef da guerilla che ha surpiglià il 1980 la pussanza, suenter la fin da la regenza da la minoritad da pel alva. El ha fatg responsabel sancziuns economicas dal vest per ils problems en il pajais.
Perquai che la malcuntentientscha en il pajais è creschida adina pli fitg hai dà in'intervenziun militara, ina procedura per relaschar el da l'uffizi e grondas demonstraziuns. Il 2017 è il regent lura vegnì destituì suenter 37 onns a la testa dal pajais. El ha regì il pajais a moda autoritara.
RR novitads 08:00