Siglir tar il cuntegn

Header

cuntegn

Sintoms dal coronavirus La perdita dal gust è il sintom che vegn avant il pli savens

Tenor in studi da la Gronda Britannia cun persunas infectadas, inditgeschan dus terzs dals dumandads la perdita dal gust sco sintom.

Perquai che er persunas ch'èn vegnidas testadas positiv han be pers lur gust senza avair ulteriurs sintoms paria quai dad esser fitg specific per il virus.

Sin bleras glistas da sintoms manca la perdita dal gust però. Ils perscrutaders britannics cusseglian uss da valitar la perdita dal gust sco il pli impurtant segn per il virus.

Ils scienziads han dumandà en tut 6'500 persunas infectadas per lur studi.

Signals vegnan interruts

Ina pussaivla raschun co ch'il virus chaschuna la perdita dal gust datti er gia. Il coronavirus attatga numnadamain ils var 10 milliuns chavels da savurar en il nas. Sche quels èn inflammads, lura na riva il signal dal gust u da la savur betg pli fin tar il tscharvè. Igl è però er cler ch'il sistem da savur e gust sa revegn relativamain spert puspè suenter ina infecziun cun il coronavirus.

Ord l'archiv

video
Ina persuna guarida raquinta
Or da 10vor10 dals 20.03.2020.
laschar ir

RTR novitads 17:00

Artitgels legids il pli savens

Ir a sanester Ir a dretg