Siria: Armada ha para conquistà Aleppo

L'armada siriana ha entant para conquistà l'entira citad veglia dad Aleppo. Ils ultims rebels hajan bandunà la citad. Quai communitgescha il post d'observaziun sirian per dretgs umans.

Assad sin in placat da propaganda. Bild in Lightbox öffnen.

Legenda da maletgs: L'armada siriana da Baschar Al-Assad ha para conquistà tut la citad veglia dad Aleppo. Keystone

ll post d'observaziun sirian per dretgs umans è in'organisaziun, ch'è domiciliada en la Gronda Britannia ed ha ina vasta rait da contact en Siria. Da vart independenta pon sias indicaziuns però strusch vegnir confermadas.

Mez november avevan las truppas da la regenza cumenzà cun in'offensiva gronda en l'ost dad Aleppo. Dapi lura èn fugids passa 80'000 civilists ord la citad. Var 17'000 duain tenor valitaziun anc esser serrads en.

RR novitads 10:00