Siria: Cumbats malgrà la pausa da cumbat

Datiers da la chapitala da la Siria Damascus ha i dà danovamain cumbats. Tgi che ha cumenzà na saja betg cler, ha communitgà il post d'observaziun per ils dretgs umans sirian.

La dunna crida. Bild in Lightbox öffnen.

Legenda da maletgs: Nagin paus - ina dunna siriana, Amina Hamawy, è turnada ils quatter da december en sia chasa splundregiada ad Aleppo. Keystone

I na saja betg cler sche truppas da la regenza ubain ils rebels hajan cumenzà ils cumbats ha communitgà il post d'observaziun per ils dretgs umans.

Il schef dal post d’observaziun sirian per ils dretgs umans discurra pervi dals cumbats dad ina «ruttadira da la pausa da cumbat». Tgi ch’è responsabel per quella ruttadira na saja tenor il post d’observaziun betg cler. Il post d’observaziun è domicilià a Londra e stà da strusch a l’opposiziun siriana.

Tenor la regenza siriana hajan rebels a Wadi Barana attatgà l’emna passada aposta il provediment d’aua da Damascus.

La pausa da cumbat tranter il reschim sirian e gruppas da rebels era vegnida negoziada da la Russia e da la Tirchia. Ella è entrada en vigur questa notg a mesa-notg. Exclus da la pausa da cumbat è la milissa terroristica Stadi islamic ed autras gruppas terroristicas dal dschihad.

RR novitads 14:00+