Siglir tar il cuntegn

Exteriur Situaziun d'aua gronda a Paris sa schlucca

L'aua gronda en la chapitala franzosa Paris na crescha betg pli. La Seine ha cuntanschì il livel d'autezza maximal.

Tour Eiffel ed aut livel d'aua gronda.
Legenda: Il mardi avess il livel da la Seine dad ir enavos. Keystone

Il livel dal flum è creschì sin 5,84 meters. Sur uras saja il livel restà sin la medema autezza. Quai ha il servetsch per auas grondas communitgà. I sa tractia d'aua gronda plauna ed il livel giaja pir enavos il mardi.

Evacuaziuns, nagina electricitad e staziuns serradas

En la regiun da Paris han circa 1'000 persunas stuì bandunar lur abitaziuns. Bunamain 1'200 abitaziuns sajan stadas senza electricitad. Plinavant restan set staziuns da tren, ch'èn datiers dal flum, serradas fin almain ils 5 da favrer. Quai tenor indicaziuns da la polizia.

La raschun per l'aua gronda saja ch'i haja pluvì ordvart fitg las davosas emnas. Il livel maximal da 5,84 meters na cuntanscha dentant betg il livel maximal da l'onn 2016. Lura aveva quel cuntanschì in'autezza da 6,10 meters. L'onn 1910 è il livel da la Seine stà il pli aut insumma: Lura han ins mesirà 8,62 meters.

RR novitads 09:00