Legenda:
La president brasiliana, Dilma Rousseff, duai avair finanzià ses cumbat electoral cun daners illegals.
Keystone
cuntegn
Exteriur - Situaziun per presidenta Rousseff vegn pli e pli malempernaivla
La situaziun da la presidenta brasiliana Dilma Rousseff vegn pli e pli malempernaivla. Il vice-president da la cumissiun electorala, Gilmar Mendes, pretenda d'examinar il cumbat electoral da Rousseff dal 2014.
Tenor Mendes dettia indizis che quest cumbat electoral saja vegnì finanzià cun daners illegals en connex cun il scandal da corrupziun enturn il concern dad ieli statal Petrobras. Rousseff dementescha dad esser involvida en il scandal. Era sia partida pretenda che tuttas donaziuns sajan stadas legalas.
