Siglir tar il cuntegn
cuntegn

Exteriur Slovenia: Jansa gudogna elecziuns parlamentaras

En la Slovenia han ils votants e las votantas vuschà per in spustament a la dretga. Els n'han betg reelegì la partida da la regenza fin uss dal center-sanester. Gudagnà las elecziuns parlamentaras ha la partida da la dretga da Janez Jansa, l'anteriur primminister.

Jansa celebrescha sia victoria.
Legenda: Janez Jansa – anteriur schef da la regenza e schef da la partida da la dretga. Keystone

La partida da Janez Jansa ha retschavì 24,4% da las vuschs. Ella vul surtut rinforzar la politica da migraziun tenor l'exempel da l'Ungaria e ses president Victor Orban. Per Jansa vegnia dentant grev da furmar ina regenza, perquai ch'el è politicamain isolà. Il 2014 n'era Jansa betg pli vegnì reelegì sco president, quai suenter in'affera da corrupziun. Per Jansa è l'emprima victoria da sia partida in emprim pass en direcziun d'in ferm pajas, tenor l'exempel da l'Ungaria.

La partida dal schef da la regenza da fin uss, Miro Cerar, ha cuntanschì 9,8% ed è cunquai pir sin il terz plaz. Sin il segund plaz è la glista «anti-sistem» (LMS) dal comicher Marjan Sarec.

RR novitads 06:00