Siglir tar il cuntegn

Header

Scrittira da la banca.
Legenda: La banca Hypo-Alpe-Adria ha l'Austria liberà il 2009 avant il concurs e cumpra 100% da las aczias. Keystone
cuntegn

Exteriur Smanatscha al Bundesland austriac Kärnten l’insolvenza?

Dapi questa saira smanatscha al Bundesland austriac Kärnten il bancrut. Il pajais Kärnten e l’Austria han para betg pudì persvader ils crediturs da l’anteriura banca Hypo-Alpe-Adria-Bank da renunziar sin in quart dals daners. I sa tracta da 11 milliardas euros.

La gronda gruppa dals crediturs ha refusà da renunziar sin in quart dals daivets, quai conferma ina pledadra. Ils crediturs en per gronda part fonds, segiradas ni era bancas. Els vulan enavos tut ils daners. Ils crediturs smanatschan uss dad ir avant dretgira. Kärnten aveva da garanzias per questas emprestas da l’anteriura banca Hypo-Alpe-Adria.

In dals problems è che nagin sa co agir vinavant. Dad ina vart di Kärnten che las pacipaziuns dal stadi a ovras electricas saja protegi e scolas ni ospitals sajan tras la constituziun protegids. Ils crediturs pretendan il cuntrari e dian che tut possia vegnir impegnà.

La banca Hypo-Alpe-Adria era il 2009 en miserias finanzialas alura aveva l’Austria surpiglia 100% da la banca. L’atun 2014 ha l’Austria alura liquidà il concern.

RR novitads 22:00

Artitgels legids il pli savens

Scrollar a sanestra Scrollar a dretga