Quai rapporta la gasetta «Wall Street Journal». Il concern da la Corea dal Sid sez na prenda dentant actualmain betg posiziun. Ils ultims dis haja quai dà quatter cas ch'era apparats barattads hajan piglià fieu. Quai rapporta l'agentura da novitads sidcoreana Yonhap. La decisiun da sistir la producziun dal Galaxy Note 7 saja vegnida prendida tenor cunvegnientscha cun las autoritads en la China ed en ils Stadis Unids.
L’entschatta da settember aveva Samsung annunzià da barattar sin l'entir mund 2,5 milliuns apparats dal Galaxy Note 7 damai ch'ils accus dals apparats pudessan pigliar fieu. La raschun per ils problems cun quest smartphone n'è anc betg enconuschenta.
RR novitads 06:00