Siglir tar il cuntegn

Header

cuntegn

Exteriur Socialdemocrats gudognan mo stretg las elecziuns en Finlandia

Tar las elecziuns dal parlament en Finlanda han ils socialdemocrats fatg la cursa, schebain mo stretg. Suenter che tut las vuschs èn vegnidas dumbradas or han els gì 40 da 200 sezs. Sco partida la pli gronda en il parlament pon els uss furmar la regenza e tschentar il schef da la regenza. Fin la fin da matg vulan els avair furmà a fin la regenza nova.

Mo paucs sezs pli paucs han survegnì las duas grondas partidas dretgas da la Finnlanda. Ellas han cuntanschì 39 e 38 sezs. Ellas han en congual cun las ultimas elecziuns dentant redublà il dumber da sezs en il parlament. La partida liberala dal center enturn il primminister actual Juha Sipilä ha dentant pers. Els han da nov 31 sezs – 18 pli paucs ch'avant.

La participaziun a las elecziuns è stada tar bunamain 72%.

RR novitads 06:00

Artitgels legids il pli savens