Il filosof e sociolog franzos Bruno Latour è mort en la vegliadetgna da 75 onns. Quai ha communitgà sia chasa editura Les Éditions La Découverte. Latour valeva sco in dals pli gronds intellectuals contemporans da la Frantscha.
Tranter auter vegnia el venerà sco in dals gronds renovaturs da las scienzas socialas. En sias ovras e lavurs scientificas s'ha Latour fatschentà cun la furmaziun da tschertezzas. Latour è stà professur a l’universitad d’elita «Sciences Po» a Paris. Ses cudeschs èn vegnids publitgads en passa 20 linguas.
Ultra da quai è Latour er stà per ina nova vista sin l’ambient e la societad e valeva sco visiunari ecologic. Il president franzos Emmanuel Macron ha undrà el sco spiert umanistic e pluralistic.
audio
Per tadlar: las novitads da las 16:00
ord RTR Audio dals 09.10.2022.
laschar ir. Durada: 3 minutas 39 Secundas.