«Solar Impulse 2» ha cumenzà viadi enturn il mund

Il viadi enturn il mund cun in aviun solar ha cumenzà. Il «Solar Impulse 2» cun il pilot svizzer André Borschberg al cockpit è partì glindesdi en damaun davent da la plazza aviatica militara ad Abu Dhabi.

Aviun solar sin plazza aviatica e trais persunas che accumpognan quel. Bild in Lightbox öffnen.

Legenda da maletgs: L’aviun solar sgola sin in’autezza maximala da 8’500 meters. Keystone

L'atterrament vegn spetgà glindesdi suentermezdi a Maskat, la chapitala dal sultanat Oman. Sin las ulteriuras 12 etappas vegnan Borschberg e l'iniziant Bertrand Piccard a sa barattar al cockpit.

Finamira

Borschberg e Piccard vulan sco emprims far il viadi enturn il mund cun in aviun solar. La missiun da questa aventura è da mussar a la publicitad da s'engaschar dapli per energias regenerablas e favuraivlas a l'ambient. L’aviun «Solar Impulse 2» è pli lad ch’in Jumbo-Jet, dentant mo uschè grev sco in auto.

RR novitads 7:00