L’aviun «Solar Impulse 2» è partì per la davosa etappa da ses viadi enturn il mund. Dumengia a bun’ura è il pilot Bertrand Piccard sa mess sin via da Cairo en direcziun dad Abu Dhabi. Ad Abu Dhabi aveva l'aventura cumenzà il mars 2015.
Piccard aveva stuì spustar la partenza per la davosa etappa pervi dad ina grippa e pervi da schlett’aura per in’emna. Il sgol duai cuzzar tranter dus e trais dis. La davosa saja er la pli difficila da las totalmain 17 etappas. Quai ha communitgà la squadra da «Solar Impulse 2». La raschun sajan cunzunt las diversas zonas cun scumond da sursgular e l’aura.
RR novitads 06:00
