Dumengia saira è l'aviun partì dal Giapun en direcziun Hawai. Quai è il pli difficil traject dal viadi cun ina distanza da var 7'900 kilometers. Il sgol duai durar almain 5 dis e notgs. Sin l’entir traject n’hai plinavant nagina pussaivladad d’atterrar intermediarmain.
Plievgia aveva bloccà aviun
Bloccà l'aviun solar las davosas emnas aveva il temp da plievgia en il Giapun. La «Solar Impulse 2» era partida il cumenzament da mars ad Abu Dhabi. Sur Oman èsi ì vinavant sur l’India, Myanmar e la China vers il Giapun. Suenter il sgol sur il Pacific duai l’aviun solar traversar ils Stadis Unids. En 12 etappas duai l’aviun sgular enturn il mund senza in dagut carburant. El possada pli che 17’000 cellas da solar.
RR novitads 7:00