Siglir tar il cuntegn

Header

cuntegn

Exteriur «Solar Impulse 2» - sursgulà il Pacific

Bunamain trais dis senza stop, 4’300 kilometers pli tard e be cun energia solara: Curt avant las 09:00 temp svizzer è il pilot Bertrand Piccard atterrà cun ses aviun «Solar Impulse 2» a Mountain Viev en la California.

L’aviun da solar svizzer «Solar Impulse 2» è puspè atterrà. Curt avant las nov temp svizzer è il pilot Bertrand Piccard (58) atterrà cun ses aviun a Mountain View datiers da San Francisco en la California.

Il sgol da Hawaii sur il Pacific ha durà radund dus dis e 18 uras, communitgescha Solar Impulse. Avant d’atterrar ha l’aviun stuì spetgar il mument ideal perquai ch’i aveva ferms vents.

Pausa da nov mais pervi da battarias donnegiadas

La «Solar Impulse 2» era partida il mars 2015 èn l’emirat dal Golf Abu Dhabi per in sgol enturn il mund. Suenter il sgol sur l’India, la China e la finala a Hawaii aveva il team da Piccard stuì far ina pausa da nov mais sin l’insla dal Pacific perquai che las battarias eran donnegiadas.

L'aviun solar da Bertrand Piccard sur la punt Golden-Gate en il golf da San Francisco.
Legenda: L'aviun solar da Bertrand Piccard sur la punt Golden-Gate en il golf da San Francisco. Keystone

Dapli che 17’000 cellas solaras sin las alas procuran per l’energia per ils motors da l’aviun che consista ord fibras da carbon. Il project duai mussar las pussibilitads da l’energia solara ch’è favuraivla a l’ambient.

RR novitads 09:00

Artitgels legids il pli savens