Spetgada al di svizzer vegn la presidenta da la Confederaziun Simonetta Sommaruga. Da quai da tschient musicants vegnan ad accumpagnar ella fin tar il pavigliun svizzer. Sommaruga vegn ad ir suenter vinavant a Roma nua ch'ella s'inscuntra cun il primminister talian Matteo Renzi.
Agenda politica
Sin l'agenda stat la politica da fugitivs. Anc adina arrivan blers fugitivs sur l’Italia en Svizra ch’ins na po betg trametter enavos perquai che l’Italia na registrescha betg els. In ulteriur tema ch’ins veglia discutar sajan projects da tren tranter ils dus pajais. Il terz tema ch’è dentant betg pli uschè brisant è il dossier da taglia.
Cussegliera guvernativa Barbara Janom Steiner represchenta il Grischun a Milaun.
RR novitads 12:00