Legenda:
En tschertga da vita sin il Mars -
qua in crater en il Newton Basin a Sirenum Terra sin il Mars, fotografà l'onn 2002 da la NASA.
Keystone
La racheta da Proton-M è partida oz tenor plan dal cosmodrom russ Baikonur en il Kasachstan. Suenter var 10 minutas è ella rivada sin sia ruta calculada. La racheta maina in satellit da perscrutaziun ed in modul da platgar da test en il spazi.
Per la ESA fiss quai l’emprima platgada sin il Mars suenter sia fundaziun il 1975.
En tschertga da vita sin il Mars
Uschia han las 2 agenzias spazialas dà il culp da partenza per lur project da milliardas ExoMars. Cun quest project perscruteschan els la dumonda, schebain ch’i dat u ch’i ha dà vita sin il Mars. La missiun po dentant era suenter ina partenza gartegiada malgartegiar. Sin il sgol, che dura set mais, spetgan anc diversas sfidas.
RR novitads 12:00