Siglir tar il cuntegn

Exteriur Spagna – Destinaziun turistica preferida

Il mument registrescha la Spagna in veritabel boom da turists. Cunzunt attira il pajais turisits ord la Gronda Britannia e la Frantscha.

Turists, mar.
Legenda: Turists giaudan lur vacanzas sin Mallorca, Spagna. Keystone

Ils emprims sis mais da l'onn current han 32,8 milliuns persunas visità la Spagna. Quai èn 11,7% dapli ch'avant in onn ed in nov record. Quai communitgescha l'uffizi da statistica INE.

Ils pli blers turists en Spagna derivan da la Gronda Britannia, numnadamain 7,95 milliuns. Cun bun 5 milliuns turists è la Germania sin plazza dus. Sin plazza trais suonda la Frantscha.

L'augment da turists è da declerar en spezial cun la situaziun instabila en blers auters pajais sco la Grezia, la Tirchia, la Tunesia u l'Egipta.

Il turissem è in dals secturs ils pli impurtants da l'economia spagnola. El munta a radund 16% da l'entir product naziunal brut dal pajais.

RR novitads 18:00