En Spagna hai dà la quarta notg en seria cravals pervi da l’arrestaziun dal rapper Pablo Hasél. Il rapper da 32 onns era vegnì condemnà perquai ch’el aveva offendì la famiglia roiala e per glorifitgar la violenza. Sco medias rapportan, haja la polizia arrestà quatter demonstrants en la citad da Barcelona e dus en la citad Girona. Quai rapporta l'emettur da televisiun RTVE sa basond sin infurmaziuns da las autoritads catalanas.
Ordavant ha il primminister Pedro Sanchez il venderdi condemnà ils acts da violenza durant ils protests. En ina democrazia na saja violenza betg acceptabla. Dentant ha il primminister er concedì che la democrazia spagnola haja anc potenzial areguard la libertad da manifestar l’atgna opiniun.
video
Millis da persunas protesteschan pervi d'arrestaziun d'in rapper
Or da News-Clip dals 17.02.2021.
laschar ir. Durada: 28 Secundas.