Siglir tar il cuntegn

Header

Pedro Sanchez.
Legenda: En il segund scrutini ha Pedro Sanchez cuntanschì be stgars la maioritad relativa necessaria. Keystone
cuntegn

Spagna Sanchez daventa nov schef da regenza

Pedro Sanchez è il nov primminister spagnol. En il segund e decisiv scrutini ha el survegnì 167 vuschs. 165 delegads han vuschà cunter el. Sanchez ha uschia cuntanschì stgars la maioritad relativa necessaria. La partida socialistica PSOE da Sanchez vegn a furmar la regenza ensemen cun l'allianza da la sanestra Unidas Podemos. I sa tracta da l'emprima regenza da coaliziun en l'istorgia pli nova dal pajais.

Il resultat dal segund scrutini vegn communitgà

Sper l'allianza da protest han era pliras partidas regiunalas dà lur vusch a Sanchez. La partida separatista ERC da la Catalugna aveva annunzià da s'abstegnair da la vusch per uschia pussibilitar l'elecziun da Sanchez. Uschia è ina lunga bloccada politica en Spagna terminada. Tar las elecziuns dal november n'aveva nagina partida cuntanschì ina maioritad.

RTR novitads 15:00

Artitgels legids il pli savens

Ir a sanester Ir a dretg