Siglir tar il cuntegn

Header

Rolf Senti, CEO Swiss Eco Line
Legenda: Rolf Senti, CEO Swiss Eco Line mad
cuntegn

Exteriur Spinas d'aua da Cuira conquistan il mund

La firma Swiss Eco Line da Cuira po preschentar sias ideas ad in congress internaziunal a Londra.

La firma Swiss Eco Line è tranter ils 6 finalists dal «Cleantech Innovate Award 2016» e po perquai accumpagnar ina delegaziun da la cussegliera federala Doris Leuthard al congress a Londra.

Per nus sco firma grischuna è quai ina mega istorgia.
Autur: Rolf SentiCEO Swiss Eco Line

Rolf Senti, CEO da Swiss Eco Line, vul natiralmain nizzegiar questa plattafurma per preschentar ses products: Ses start-up è sa spezialisà sin spinas d'aua che dovran enfin 90% pli pauca aua. Ina da sias finamiras fiss d'installar talas spinas d'aua era en ils biros da la Confederaziun - in'idea ch'el vul preschentar persunalmain a la ministra d'energia Doris Leuthard.

Al cumenzament ha la glieud fatg beffas sur da mai.
Autur: Rolf SentiCEO Swiss Eco Line

Era sche Rolf Senti noda actualmain sin in'unda da success, sa regorda el bain quant difficil ch'igl è stà da persvader investiders da si'idea. Savens saja el era vegnì ris ora: «Pertge spargnar? Nus avain bain avunda aua!» Ma tgi che haja ina bun'idea stoppia crair vidlonder e cumbatter per quella.

Artitgels legids il pli savens

Scrollar a sanestra Scrollar a dretga