El ha dà da chapir ch’ils 27 pajais da l’UE restants fissan probablamain d’accord da spustar il Brexit. Quai haja el ditg a la primministra britannica Theresa May. May veglia dentant anc adina sa spruvar da pudair evitar in tal scenari. Ella è da l'avis che da spustar la data per il Brexit na fetschia er betg pli simpel da chattar ina cunvegna che cuntenta il parlament britannic. Critichers renfatschan a May ch'ella vul da bugen metter sut squitsch il parlament cun be dar l'opziun tranter «ses» deal ed in Brexit nunreglà.
La sortida da la Gronda Britannia or da l’UE è previs per ils 29 da mars. Tusk ha ditg, sch’i na dettia nagina maioritad en il parlament britannic per ina cunvegna da sortida, lura restia be in Brexit caotic u da spustar quel.
RR novitads 16:00