Siglir tar il cuntegn

Header

furtga
Legenda: Suenter passa 40 onns ch'il pajais aveva midà la paina da mort en praschun per vita duranta quai, duai quai puspè sa midar. Keystone
cuntegn

Exteriur Sri Lanka vul puspè condemnar a la mort

La Sri Lanka vul puspè introducir la paina da mort en il cumbat encunter la criminalitad cun drogas.

Dapi il 1976 na datti nagina paina da mort pli a Sri Lanka, l'insla en l'Ocean Indic. Enstagl datti dapi lura la sentenzia da praschun a vita duranta. Entaifer ils proxims dus mais duai quai dentant puspè midar. Il schef da stadi Maithripala Sirisena ha ditg en il parlament ch'el speria da vesair fin lura a pender l'emprima persuna ch'ha commess delicts da drogas.

Tenor la ministra da giustia da Sri Lanka sajan ils documents preparads per executar tschintg criminals da drogas. Be pli la suttascripziun dal schef da stadi manchia. Organisaziuns per dretgs umans pretendan che las autoritads desistan da puspè introducir la paina da mort. A quellas ha il schef da stadi appellà, da betg far squitsch sin el pervi da la decisiun.

RR novitads 06:00