En la California èn millis da persunas en privel pervi dals incendis da guaud che sa derasan adina pli fitg. Per pudair mobilisar pli spert agid han las autoritads proclamà il stadi d'urgenza per la regiun.
En il sid-ost da la citad da Sacramento brischa tenor las autoritads entant ina surfatscha da passa 260 kilometers quadrat, ina surfatscha ch'è passa ina giada e mez uschè gronda sco il Principadi dal Lichtenstein. Da quai da 6000 chasas sajan periclitadas, 15 bajetgs sajan gia ars dal tuttafatg. Passa 3-milli pumpiers sajan en acziun.
