Bun in'emna suenter ch'in islamist ha mazzà tozzels turists en la Tunesia, ha il president Beji Caid Essebsi proclamà il stadi d'urgenza. Quel dat dad ina vart dapli pussanza a la regenza, al militar ed a la polizia e da l'autra vart vegnan ils dretgs da la populaziun restrenschids.
La davosa giada ch'il stadi d'urgenza ha valì en la Tunesia è stà avant 4 onns; lezza giada sut il reschim dal president cupitgà, Ben Ali. Dapi lura è la violenza islamistica creschida fermamain en la Tunesia. Pervi da mancaza da perspectivas s'uneschan blers giuvens Tunesians apparentamain cun milissas islamisticas en l'Irac, la Siria e la Libia.
