Siglir tar il cuntegn

Header

Campadi devastà.
Legenda: Las malauras èn suandadas ad ina unda da chaliras da fin 40 grads. En la regiun Chalkidiki èn actualmain dieschmillis, oravant tut turists da l'Europa Orientala, en vacanzas. Keystone
cuntegn

Stadi d'urgenza Tar malauras en Grezia moran 6 persunas

Tar malauras en il Nord da la Grezia èn almain 6 persunas mortas e passa 60 vegnidas blessadas. Quai tenor infurmaziuns da las autoritads.

Ils pumpiers discurran da ferma plievgia e vent burascus en la regiun. Tut las victimas èn tenor il radio statal turists. La regiun da Chalkidiki è fitg populara per turists or da l’Europa orientala.

Ina dunna da la Rumenia e sia figlia èn vegnidas tutgadas dal tetg d'ina taverna. In Russ e ses figl da dus onns èn vegnids sturnids d'ina planta cupitgada. In um da la Tschechia è mort en sia rulotta ch'è vegnì tschiffà d'in suffel da stemprà. Sia dunna è suenter morta en consequenza da las blessuras en in center da sanadad.

Stadi d'urgenza

En consequenza a las malauras ha la regenza proclamà il stadi d’urgenza per la regiun. Ina bilantscha da las malauras saja pir pussaivel da far en il decurs dal di.

RR novitads 06:00

Artitgels legids il pli savens