Siglir tar il cuntegn

Header

ruinas da la citad da Palmyra
Legenda: La citad da Palmyra en la Siria appartegn al patrimoni mundial cultural da l'Unesco. Keystone
cuntegn

Exteriur Stadi islamic controllescha Palmyra

La milissa terroristica Stadi ilsamic ha cumplettamain sut controlla la citad istorica Palmyra en la Siria.

Sco il post da surveglianza sirian per dretgs umans communitgescha sajan ils islamists preschents en tut las parts da la citad. Las truppas da la regenza sajan sa retratgas senza far resistenza. Er il Stadi islamic sez ha annunzià la conquista da Palmyra.

Las ruinas singularas da Palmyra dateschan dals prims tschientaners suenter Cristus ed appartegnan al patrimoni mundial cultural da l'Unesco. Quella tem'ussa che las ruinas anticas da Palmyra vegnian destruidas.

USA furneschan armas a l'Irac

Suenter ils novissims success da la milissa terroristica Stadi islamic rinforzan ils Stadis unid lur sustegn per l'Irac. Ins vegnia a furnir ulteriuras 2000 rachetas da defensiun anti-tanc.

Quai ha ina pledadra dal Pentagon declerà oz a Washington.
Las armas possian anc arrivar l'emna proxima ha ella ditg vinavant.

RR novitads 23.00

Artitgels legids il pli savens

Scrollar a sanestra Scrollar a dretga