L’organisaziun terroristica «Stadi Islamic» commetta en l'Irac e la Siria in genocidi envers cristians ed autras minoritads religiusas. Quai ha ditg il minister da l'exteriur dals Stadis Unids, John Kerry a Washington.
L’organisaziun terroristica violeschia dunnas, stgavazzia spirituals ed ageschia cun ina violenza betg umana cunter persunas che sajan tenor lur avis «betg cartentas». Quai cumprovia in'examinaziun dals Stadis Unids, uschia Kerry.
Perquai pretenda el ch'ina examinaziun internaziunala portia a la glisch l'entira situaziun dals fatgs.
RR novitads 17:00