La milissa terroristica Stadi islamic ha assassinà en la provinza vest-iracaisa Al-Anbar da quai da 300 praschuniers da pievels sunnits. I han rinfatschà ad els d'avair collavurà cun forzas da segirtad iracaisas.
Gia l'onn passà avevan ils extremists mazzacrà en la regiun enturn 200 commembers dal pievel Al-Bu Nimr perquai ch'els avevan cumbattì da vart da la regenza. Cun ils novs assassinats reagescha il Stadi islamic sin in'offensiva che la regenza e las milissas dals pievels sunnits han cumenzà dacurt cunter il SI.