La Tschechia, la Slovachia, la Pologna e l'Ungaria vulan bloccar la ruta da fugia sur il Balcan. Ils 4 pajais da l'ost che valan sco «hardliners» en la politica d'asil na fidian betg che la Grezia e la Tirchia dumognan l’unda da fugitivs e pretendan perquai in "plan B".
Sco quai ch'il prim-minister da la Slovachia Robert Fico ha ditg suenter l'inscunter a Prag hajan els empermess da sustegnair la Mazedonia e la Bulgaria cun segirar ils cunfins.
Paucs dis avant l'inscunter suprem da l'UE van ils 4 stadis uschia sin confruntaziun cunter la politica da Berlin. La Germania aveva avertì da «schliaziuns simplas» sco serrar ils cunfins.
