Siglir tar il cuntegn

Header

Sigmar Gabriel
Legenda: Crititgà autoritads e servetschs secrets: Sigmar Gabriel pretenda in meglier barat d'infurmaziuns tranter ils stadis da l'UE (maletg d'archiv). Keystone
cuntegn

Exteriur Stadis da l'UE duain meglierar collavuraziun e barat da datas

Il schef dals socialdemocrats da la Germania, Sigmar Gabriel, pretenda ch’ils presidents e schefs dals 28 stadis da l’Uniun europeica collavurian meglier per cumbatter il terrorissem.

La tractanda d’ina meglra collavuraziun stoppia finalmain vegnir sisum las glistas da duers, ha ditg il vicechancelier tudestg envers la gasetta «Bild». L’investigaziun da terror stoppia survegnir la medem’impurtanza sco avant onns la liberaziun da bancas ni la crisa da la Grezia.

Evitar il svilup da ghettos

Dapi onns vegnia proclamà da meglierar il barat da datas, ma i vegnia lavurà vinavant senza midar insatge ed ils stadis na barattian betg datas, ha crititgà Gabriel.

Gabriel ha fatg attent ch’ils attentats da Paris e Brüssel na sajan betg vegnids commess d’immigrants. Ils terrorists sajan naschids e creschids si en Frantscha e Belgia. Quest fatg mussia ch’ins stoppia evitar ghettos sco quai ch’i saja il cas a Paris ed a Brüssel.

RR novitads 06:00

dpa/reu/alb

Artitgels legì il pli savens

Nach links scrollen Nach rechts scrollen