Exteriur - Stadis dal vest duain retrair sancziuns cunter l’Iran
Il president da l'Iran, Hassan Ruhani, pretenda ch'ils stadis dal vest annulleschian tut las sancziuns economicas cunter ses pajais per pudair terminar la dispita d'atom.
Sancziuns e smanatschas cunter l'Iran sajan inutilas, ha ditg Ruhani en ses pled dal Bumaun persian. Ses pajais aviseschia ina nova èra da collavuraziun. La politica da l'Iran saja ina politica da detensiun e collavuraziun. Gievgia proxima cuntinueschan las tractativas d'atom a Losanna.