Exteriur - Stadis G7 dattan dapli daners per ils fugitivs
Ils pajais industrials G7, ils Stadis Unids, la Gronda Britannia, il Canada, il Giapun, la Frantscha, la Germania e l’Italia, han empermess a las Naziuns Unidas 1,8 milliardas dollars supplementars per ils fugitivs.
Quai è vegnì enconuschent a l'ur da l'inscunter plenar da l'ONU. Ils daners duain cunzunt vegnir dabun a l'ovra d'agid per fugitivs UNHCR ed al program alimentar mundial WFP. Plinavant èn ils daners previs per pajais che prendan si fugitivs sco la Tirchia, il Libanon e la Jordania.
