La citad pitschna da Waukesha è datiers da la citad Milwaukee. En la citad han ins festivà la Christmas Parade. Anc adina n'han las autoritads betg fatg enconuschent sch'i sa tracta d'in accident u sch'insatgi ha aposta manà l'auto en la fulla da glieud. La polizia n'ha anc betg communitgà detagls davart il motiv.
Il schef da la polizia ha discurrì d'in «eveniment tragic». In vehichel champester saja rut tras ina barricada ed haja lura tutgà var 20 persunas, cun radund 50 km/h. Tranter quels era uffants.