En ils Stadis Unids duai ina banda da hackers e commerziants da la bursa criminals avair fatg gudogns illegals da plirs 100 milliuns dollars. La surveglianza da la bursa americana ha entant accusà 9 persunas. Cunter ulteriuras persunas èsi vegnì instradà inquisiziuns.
A las persunas accusadas vegn rinfatschà criminalitad da cyber e cugliunaria. Ils hackers duain avair engulà en l'internet datas da finanzas d'interpresas, ch'ils commerziants da la bursa han lura duvrà per fatschentas dad insiders.
La gronda part dals accusads deriva da la Georgia e da l'Ucraina.
