Siglir tar il cuntegn

Header

Schuldada americana cun ina bara.
Legenda: La bara dal schuldà american morts ils 19 da mars en l’Irac è gia vegnida sgulada en ils Stadis Unids. Keystone
cuntegn

Exteriur Stadis Unids ageschan cun truppas a terra en l’Irac

Il militar american è sco i para involvì pli ferm en il cumbat en l’Irac cunter la milissa terroristica Stadi Islamic che supponì fin ussa. Il Pentagon ha laschà valair che radund 200 schuldads americans sajan en acziun en il nord dal Irac cun artigliaria greva per sustegnair l’armada iracaisa.

Sco ils responsabels dal militar american han communitgà sustegnian ils schuldads americans plirs milli schuldads iracais el cumbat cunter il Stadi Islamic. Fin ussa era sulet enconuschent ch’ils Stadis Unids sgolan attatgas ord l'aria sin posts dal Stadi Islamic en l’Irac. L'engaschi da schuldada a terra aveva il president american Barack Obama refusà fin ussa. Suenter ch'in schuldà american è vegnì mazzà la fin d'emna ha il Pentagon betg pli pudì zuppar l'engaschament dal militar er a terra en l’Irac.

RR novitads 06:00

sda/ma

Artitgels legì il pli savens

Nach links scrollen Nach rechts scrollen