Siglir tar il cuntegn

Header

purtret dad els dus.
Legenda: Bill e Hillary Clinton durant l'inauguraziun dal president, Joe Biden il schaner da quest onn. Keystone
cuntegn

Stadis Unids Bill Clinton en l'ospital pervi d'infecziun

L'anteriur president american, Bill Clinton ha stuì ir en l'ospital pervi d'ina infecziun da las vias urinaras. L'um da 75 onns saja dentant gia puspè meglier vidlonder. Tenor ses medis possia el bainbaud turnar a chasa.

Clinton è gia pliras giadas stà en l'ospital. Il 2004 ha el gì d'operar vi dal cor ed il 2010vi d'ina arteria. Ses medis han dentant accentuà ch'il cas dad uss n'haja da far nagut cun ses cor u cun Covid-19. I sa tractia d'ina autra infecziun. Per pudair survegliar meglier Clinton, saja el vegnì sin la staziun intensiva da l'ospital a California. El vegnia tractà cun antibiotica.

Bill Clinton è stà president dal 1993 fin il 2001, durant duas periodas d'uffizi. El è maridà cun Hillary Clinton ch'era la candidata democrata dal 2016. Là ha ella candidà encunter Donald Trump. Clinton s'engascha tranter auter ferm per in sistem da sanadad public, sco el exista per exempel er en Svizra.

Ord l'archiv:

Il 2016 era l'anteriur president dals Stadis Unids in zic en la sumbriva da sia dunna Hillary che cumbatteva da quest temp per il presidi da l'America.

audio
Bill Clinton
aus Il chavazzin dal di vom 19.08.2016.
abspielen. Laufzeit 4 minutas 4 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga