Siglir tar il cuntegn

Stadis Unids Congress evitescha in «shutdown»

Curt avant ch'il termin scadia è il parlament sa cunvegnì ad ina schliaziun provisorica en la dispita dal preventiv. Quella duai segirar la finaziaziun dals servetschs dal stadi per ils proxims 45 dis. Vegnì cun la proposta è il pledader da la chombra dals represchentants – il republican Kevin McCarthy. Latiers ha el duvrà il sustegn dals democrats. Il resultat: 335 vuschs encunter 91.

Er il senat ha approvà il preventiv transitoric. Entant ha er il presdient Joe Biden suttascrit la lescha, uschia che quella po ir en vigur. Fin mez november vegnan las fatschentas da la regenza americana uschia finanziadas vinavant sin il nivel da l'ultim preventiv.

RTR novitads 06:00

Artitgels legids il pli savens