Il fondo monetar internaziunal IWF avertescha da consequenzas seriusas per il cas d'in'eventuala insolvenza dals Stadis Unids da l'America. Perquai appellescha il IWF a las forzas politicas americanas da chattar in consens en la dumonda nua fixar la limita per ils daivets. Ina insolvenza n'avess betg mo consequenzas per ils Stadis Unids, mabain er per l'economia mundiala, ha Julie Kozack dal IWF ditg la gievgia a Washington.
En l'USA fixescha il parlament la limita maximala per far daivets. Actualmain è questa limita cuntanschida e la regenza sto schliar reservas, e na dastga betg far dapli daivets. Fin ussa han ils republicans però bloccà il plan d'auzar la limita, quai schegea che la regenza ha avertì ch'i fiss pussaivel, ch'ils Stadis Unids da l'America saja insolventa cun l'entschatta da zercladur.