L’emna passada aveva la regenza a Washington decis d’ordinar dazis supplementars sin rauba ord la China cun in volumen dad ulteriuras 200 milliardas dollars. Gia ordinads eran dazis da multa en la valita da 50 milliardas dollars.
Ils novs dazis muntan a 10%. A partir da l’auter onn duajan els vegnir augmentads sin 25%. Betg pertutgads da quests dazis èn tranter auter tscherts products dad Apple.
La China ha reagi immediatamain ed era ordinà dazis supplementars sin imports dals Stadis Unids. Quai cun in volumen da bun 60 milliardas dollars. L'effect ed il volumen dals dazis da la China è pli pitschen perquai ch'ils Stadis Unids n'exporteschan betg uschè blera rauba en la China.
RR novitads 09:00