En la California ha in derschader per il mument franà ils plans dal president, Donald Trump, da construir in mir al cunfin tar il Mexico. Quai rapportan medias americanas. La sentenzia scumondia a la regenza da duvrar daners dal budget dad auters uffizis per construir il mir. Trump haja cunquai probabel surpassà sias cumpetenzas.
En la sentenzia vai concret per ina milliarda – da las total 6,7 milliardas dollars – che l'armada duess contribuir. La chasa dals represchentants e plirs stadis avevan fatg recurs cunter la decisiun ch'il president aveva tratg cun in decret da stadi d'urgenza.
RR novitads 09:00