En il center da Nashville, la chapitala dal stadi federativ da Tennessee, hai dà ina gronda explosiun il venderdi. Almain trais persunas sajan vegnidas blessadas e vegnidas ospitalisadas. Las autoritads van da quai anora ch’igl è stà in'explosiun intenziunada, uschia in pledader da la polizia.
Tenor ulteriuras indicaziuns saja l’explosiun vegnida ord in vehichel. Quai ha er communitgà il president da la citad, John Cooper, via Twitter. El ha proclamà il stadi d'urgenza. Datiers da l’explosiun haja la polizia chattà restanzas umanas. L’explosiun haja era donnegià indrizs da telecommunicaziun en la regiun.
Uss investighescha la Polizia federala FBI en chaussa.