Siglir tar il cuntegn

Exteriur Stadis Unids - Maridaglia d’omosexuals vegn legala

Decisiun istorica. Il tribunal suprem dals Stadis Unids da l'America ha legalisà la maridaglia dad omosexuals per l'entir pajais.

pèrs omosexuals
Legenda: Ils pèrs omosexuals sa legran sur da la decisiun dal tribunal suprem. Reuters

Il scumond da maridar tranter persunas omosexualas cuntrafetschia a la constituziun americana, han decidì ils pli auts derschaders.

Actualmain enconuschan anc 13 stadis federals americans in scumond da maridar tranter persunas omosexualas. En ils ulteriurs 38 stadis federals ed en la chapitala Washington vala il medem dretg da maridar per partenadis omosexuals ed eterosexuals.

«Quai è ina victoria per ils Stadis Unids», ha ditg president Barack Obama en in’emprima reacziun.

RR novitads 17:00