Siglir tar il cuntegn

Header

cuntegn

Exteriur Stadis Unids: Naginas armas pli per il Sudan dal Sid

En vista a la guerra burgaisa en il Sudan dal Sid duai il Cussegl da segirezza da l'ONU decider in stop da furnir armas en il pajais. Quai pretendan ils Stadis Unids. Ils proxims dis vegnan els ad inoltrar la proposta per ina resoluziun correspundenta.

En il Sudan dal Sid succedian chaussas sgarschaivlas ha ditg Samantha Power, l'ambassadura americana en il Cussegl da segirezza. Il Sudan dal Sid saja in pajais a l’ur dal precipizi.

Avant aveva il represchentant spezial da l'ONU per il pajais avertì ch'in genocid na saja betg lunsch davent.

L’iniziativa dals Stadis Unids ha subit provotgà la resistenza da las pussanzas da veto Russia e China. Per la Russia n'è in tal embargo d'armas anc betg madir. En la situaziun actuala fiss quai il «cuolm da l’irresponsabilitad», ha admonì il vice-ambassadur russ en l’ONU.

RR novitads 06:00

Artitgels legids il pli savens