Ils Stadis Unids restan vinavant il pajais il pli pertutgà da la pandemia da corona. Tenor l'universitad da John Hopkins hai dà passa 60'000 novas infecziuns entaifer 24 uras. In record tar las novas infecziuns han nudà ils Stadis Unids la sonda. Lura èn vegnids registrads passa 66'000 novs cas entaifer 24 uras. Il pajais dumbra actualmain 3,3 milliuns cas confermads.
Il BAG ha annunzià ier 85 novas infecziuns en Svizra ed en il Principadi da Liechtenstein. En il Grischun datti actualmain 10 cas activs. 136 persunas èn en quarantina e duas èn ospitalisadas.
audio
Las novitads da las 6:00
ord Actualitad dals 13.07.2020.
laschar ir. Durada: 6 minutas 39 Secundas.