Siglir tar il cuntegn

Header

cuntegn

Exteriur Stadis Unids portan plant cunter VW

En ils Stadis Unids datti in ulteriur plant cunter il concern da Volkswagen. Uss pretendia la regenza americana indemnisaziuns dal concern tudestg. Quai scriva la gasetta «Bild am Sonntag».

Il plant cunter il concern da Volkswagen saja vegnì inoltrà a la dretgira civila e penala da Braunschweig. La raschun sajan las consequenzas finanzialas dal scandal da svapur per plirs fonds da pensiun americans. Las autoritads dals Stadis Unids pretendian indemnisaziuns da plirs tschient milliuns dollars.

Gia avant inoltrà plant pervia dal scandal da diesel

Gia la sonda aveva la gasetta «Bild am Sonntag» orientà, che dapli che 15'000 possessurs d'auto hajan pervia dal scandal da diesel inoltrà plant a la dretgira civila e penala da Braunschweig. Els pretendan totalmain var ina quarta milliarda euros indemnisaziuns.

Cunquai ch'i na dat en Germania nagin plant collectiv, sco en ils Stadis Unids, ha la chanzlia Hausfeld a Berlin utilisà in tric. La fin d'avust aveva la dretgira civila e penala a Braunschweig refusà il plant.

RR novitads 12:00

Artitgels legids il pli savens