Ross Perot ha candidà duas giadas per la presidenza dals Stadis Unids. Ina giada l'onn 1992 sco candidat sulvadi encunter George H.W. Bush e Bill Clinton. L'autra giada l'onn 1996, mo encunter Clinton. Tut las duas giadas n'ha el gì nagin success.
Il Texan è vegnì ritg en la branscha d'electronica. Tranter auter ha el fundà l'interpresa Electronic Data System. Propi enconuschent è Ross Perot vegnì, cura ch'el ha organisà in'acziun da salvament per intgins collavuraturs, ch'ins ha tegnì en fermanza en Irac.
Perot era enconuschent per sias parolas vulgaras cunter politichers. Durant il cumbat electoral 2016 han blers experts congualà Donald Trump cun el.
RR novitads 17:30