Siglir tar il cuntegn

Header

cuntegn

Exteriur Stadis Unids sortan da contract d’armaziun cun la Russia

Ils Stadis Unids viseschan il contract da discharmaziun cun la Russia, quai ha communitgà il minister da l'exteriur american Mike Pompeo.

La cunvegna per desister da rachetas nuclearas a mesa distanza giaja definitivamain ord vigur entaifer 6 mais. Fin lura haja la Russia vinavant temp da turnar enavos tar las cundiziuns da la cunvegna, uschia Pompeo.

Experts teman ina nova cursa d'armaziun

La raschun per la dispita èn las novas rachetas russas dal tip 9M729. Tenor ils Stadis Unids cuntrafan quellas cleramain a la cunvegna. La Russia di però che las novas rachetas cuntanschan ina distanza da sut 500 kilometers. Tenor ils Stadis Unids munta la distanza però a 2600 kilometers. Cunquai possian quellas cuntanscher quasi tut las chapitalas europeicas.

Sche la cunvegna vegn definitivamain visada teman experts ch'i pudess da ina nova e fitg privlusa cursa d'armaziun.

Il contract era vegnì concludì il 1987 cun l'anteriura Uniun Sovietica.

RR novitads 17:00

Artitgels legids il pli savens