Siglir tar il cuntegn

Header

audio
Per tadlar: curt e cumpact
Or da RTR Audio dals 16.11.2022.
laschar ir. Durada: 8 Secundas.
cuntegn

Stadis Unids Trump vul puspè candidar 2024

Malgrà che la critica ord las atgnas retschas è pli gronda ch'era gia ha l'anteriur president lantschà uffizialmain sia campagna per returnar en la Chasa Alva. En sia residenza Mar-a-Lago ha il politicher da 76 onns annunzià sia candidatura.

Midterms n'eran betg in signal positiv per Trump

Gist in'emna suenter ils midterms, nua che la chombra dals represchentants ed in terz dal senat è vegnì occupà da nov, è la pussanza da Trump betg excepziunalmain gronda. Candidats ch'el ha sustegnì han per part pers cunter candidats e candidatas dals democrats. Ils democrats han perfin pudì tegnair ina stgarsa maioritad en il senat, tge ch'è plitost excepziunal en la politica americana. Là perda la partida ch'è a la pussanza bler la maioritad suenter tar ils midterms.

John Fettermand ha pudì conquistar in sez el senat per il stadi da Pennsylvania cunter Mehmet Oz.
Legenda: John Fetterman ha pudì conquistar in sez en il senat per ils democrats en il stadi da Pennsylvania cunter Mehmet Oz ch'è vegnì sustegnì da Trump. Keystone

Sco concurrents pussaivels per Donald Trump en la partida republicana per l'uffizi da president valan tranter auter il guvernatur da la Florida, Ron DeSantis e l'anteriur vicepresident da Trump, Mike Pence.

RTR novitads 06:00

Artitgels legids il pli savens