Il senat ed er la chombra da represchentants han approvà ina midada da l'uschenumnada lescha da «Dodd-Frank». L'emprim duain vegnir schluccadas las reglas per las bancas pitschnas e regiunalas.
Per exempel duain las bancas valair relevantas per il sistem ed uschia vegnir survegliadas pir a partir d'ina summa da bilantscha da 250 milliardas dollars. Fin uss era questa limita sin 50 milliardas dollars.
In «desaster» ...
Uss sto il president american Donald Trump anc suttascriver la midada da la lescha. El aveva numnà la lescha da «Dodd-Frank» in desaster. Questa lescha era vegnida introducida suenter la crisa da bancas dal 2007 cun la finamira d'evitar ch'il stadi stoppia anc ina giada spendrar bancas cun ils daners da taglia.
RR novitads 08:00